MESSAGG MID-DIRETTUR   

   JIKTEB CARMEL AGIUS

Fit-18 ta' Ottubru tal-1961, kien inqara l-ewwel Messagg tal-Madonna f'Garabandal.  F'dan il-Messagg il-Madonna kienet talbet biex naghmlu hafna sagrificcji u nzuru ta' spiss lil Gesu' Sagramentat.  Imma qabel xejn irridu nghixu hajja tajba u nwettqu dak li talbitna l-Madonna. Jehtieg li wiehed  iqajjem kuxjenza aktar profonda fost il-poplu, sabiex jersaq aktar spiss lejn is-Sagrament tar-Rikonciljazzjoni u jircievi aktar spiss lil Gesu' Ewkaristija. 

Jekk wiehed jahdem somma matematika isib li : Jekk wiehed jitqarben darba f'xahar ikun tqarben tnax-il darba biss f'sena li fiha 365 gurnata.  Dan huwa ftit wisq.  Jekk titqarben darba fil-gimgha jigu 52 darba.  

Hu wisq ta' niket li tara hafna nsara li ma jilqghux l-istedina ghat-Tqarbin ta' spiss.  U dan jigri ghaliex ma nahsbux, ma nirriflettux u ma nimmeditawx serjament dwar il-gid li ma jistax jitfisser li hu t-Tqarbin Imqaddes.  L-Ewkaristija, li jmissha tkun it-tnehida bla ma taqta ta' kull qalb nisranija, tidher quddiem il-harsa taghna taht apparenzi umli.  U billi ahna hekk maghmulin li dak li ma jolqotx il-ghajn ihallina ndifferenti, ghaldaqshekk ma nhossunhiex migbuda mix-xewqa li nircievuha spiss, jekk ma nirriflettux sikwiet dwar min hu Dak li jghix taht speci sagramentali u kemm tezori ta' grazzji jgibilna meta bit-Tqarbin Imqaddes jigi fil-qalb taghna.

Jekk temmen fil-prezenza t'Alla fl-Ewkaristija, ghandu jkollok ghas-Santissimu Sagramentat stima u mhabba bla qies.  U billi ta' kuljum hemm l-Ostja Imqaddsa ghad-dispozizzjoni tieghek, hemm tista' tabilhaqq turi l-istima u l-imhabba li ghandek ghaliha billi tirceviha ta' kulljum b'xewqa qaddisa.

Jien nemmen li Gesu' hu fl-Ewkaristija, ghaliex qalu Hu nnifsu u tghallimulna l-Knisja Kattolika.  Fil-Vangelu hemm miktub li Gesu' kif ikkonsagra u qassam l-Ewkaristija lill-Appostli, ghamilhom Sacerdoti Tieghu billi kkmanda lilhom li jaghmlu kif ghamel Hu.  Gesu' hu veru l-Iben t'Alla maghmul bniedem u ghaldaqshekk veru Alla bhal Missier u l-Ispirtu s-Santu.  Hi cara li d-Divinita Tieghu wkoll hi fl-Ewkaristija.

Meta tkun quddiem is-Santissimu Sagramentat, tkun quddiem Gesu' haj u veru, kif kienu l-Appostli meta kienu jghixu mieghu fl-Art Mqaddsa u kif huma fis-Sema l-Qaddisin.  In-nies tad-dinja ma jifhmux il-gieh li tikseb billi titqarben u ma jaghtux kaz, izda dawk li jghammru fis-Sema u l-Insara kollha, ta' Fidi hajja jammirawk u fil-qalb taghhom jifirhu mieghek li tgawdi l-hbiberija u l-kunfidenza tas-Sinjur, li dan ghogbu jigi jghammar mieghek u gewwa qalbek.

Gesu' kien qal, "Jekk ma tieklux il-gisem tieghi u ma tixorbux id-demm tieghi ma jkollkomx hajja fikom, izda min jiekol il-gisem tieghi u jixrob id-demm tieghi ghandu l-hajja ta' dejjem u jien nirxuxtah fl-ahhar jum".

Jekk int thalli ghal kollox it-Tqarbin, il-hajja nisranija fik tmut minghajr dubju.  Imma jekk int tircevieh, ikollok il-hajja ta' dejjem.  Bit-tqarbin, in-nisrani jinghaqad ma Gesu' kif jinghaqdu l-qtar ta' l-ilma flimkien.  Tqarbina darba mitlufa hi mitlufa ghall-dejjem.  

Xi nies qed jaghmlu hafna sagrileggi minhabba li qed jirrikorru ghat-tqarbin bid-dnubiet gravi u dan qed jigri minhabba li ma jirrikorrux ghall-Qrar.  Dan qieghed jigri mhux biss min-nies komuni imma wkoll minn xi sacerdoti li ma jqerrux, ghax ma baqghux shah fil-fidi kattolika.  Is-Sacerdot m'ghandux ikun iebes fil-qrar ghax jista jkun li tigri l-hsara lil dik il-persuna li tkun marret tqerr.

Ejjew nitolbu flimkien sabiex nissahhu fil-fidi nisranija billi ningabru b'herqa kbira u nimmeditaw il-misteri tal-Ferh, tat-Tbatija, u tal-Glorja.  Il-Papa Pawlu VI fil-"Marialis Cultus" kien qalilna li r-recita tar-ruzarju minghajr il-meditazzjoni tal-misteri huwa bhal gisem bla ruh.

Ommna Marija fl-ahhar Dehra taghha go Fatima stqarret li hi r-Regina tar-Ruzarju.  Ghat-talb tar-Ruzarju hija tinterciedi quddiem it-Trinita' Qaddisa ghal kull min jirrikorri lejha.  Il-Madonna  tridna nghidu r-ruzarju kuljum u dan qalitulna fid-dehriet numeruzi taghha.  Dan stqarritu f'kull dehra f'dawn l-ahhar sekli.

TWISSIJA IMPORTANTI

It-Taghrif f'din il-website qed jigi pprezentat minghajr ebda pretenzjoni ta' gudizzju finali fuq il-grajjiet li saru f'Garabandal.  Gudizzju finali tista' taghtih biss l-awtorita' tal-Knisja Kattolika ghax dawn il-grajjiet saru fi hdanha ma jaqghux taht il-kategorija tal-hwejjeg normali ta' din id-dinja.

Ix-xoghol prezentat huwa attentat semplici ta' prezentazzjoni oggettiva tar-rapporti dokumentati tal-fatti.  Dan qed isir, izda dejjem bil-ghajnejn tal-Fidi Kattolika li minghajrha wiehed ma jistax jifhem il-hwejjeg li graw f'din l-istorja. 

Min jaqra dan it-taghrif  ghandu l-ewwel  jara li jibda l-qari tieghu b'qalb nadifa, biex ikun jista' jara 'l Alla jahdem f'dawn il-grajjiet.  U wiehed ghandu jaqra minghajr il-ghaggla li tigi mill-kurzita' biex ma jhallix barra hwejjeg importanti.

Jaqbel li wiehed jieqaf spiss mill-qari biex jirrifletti qabel ikompli jaqra.  Huwa dan l-ahjar mod biex il-qarrej jiehu l-ikbar gid ghar-ruh, il-gid etern li ghalih saret din is-sensiela ta' grajjiet providenzjali ta' zmienna.